T. Djellal :Awal kul aseggas neqqar-it

Tayeb Djellal

Awal kul aseggas neqqar-it



Kull aseggas ajdid (amaynut) neqqar aseggas-a ad kkren icawiyen ad mlilen s tawmatt( tagmatt) d wulawen d izeddagen ad sskeren amussu(mouvement) n yedles (culturel)ad refden axenfuf n yetmat-sen deg wammas n tmurt n Tmazγa acku yal tama ass-a γer-s ahil (programme) yettxussan ameγnes-nnes γef tinettit (identité) n imaziγen s tsertit(politique) d ttazeddagt.
2957 yudf-ed (ikecm-ed) fell-aneγ u netcnin deg wawras ur nufi tifrat i tkerrisin yeqqnen, amussu arni γaf say ur nufi abrid iqedd ad t-nawi mank ad naweḍ γer iswan-nneγ(iswi(an)=objectif(s)). Awaḍ γer matta aγer nettazzal yezger webrid-nnes, arni yeččur d isennanen. Maca (mais) aḍran n usirem γer umahil, yeqqim d awal bla anamek (sens).
Ur nuc ad nraja aseggas ad yegguren 2958 mank ad nerni ad nraja aseggas yellan sdeffer-nnes wiγrimen ssuxsulen fell-aneγ.
Izerfan n icaweyen deg wawras niγ di tmura tiberraneyin ur llin, s lexsus ma nutlay γef yedles,d tinettit (identité).
Ur nessin maγef ass-a Icawiyen ani llan tectan ad ḍefren sbayer n yudan wad zagzen lejnas deg wecal n tinettit-nnsen w ad ğğen tinettit-nnsen.
Iseqseyen yettwaffsren ass-a tennḍen γef wembehri n yudan iberrabneyen si temsalin-aya :
- Tagumit arnas Idhes n imeγnasen( militants) s umata (d’une manière générale) deg wawras.
- Ur llin irumaḍ γef uγir n tidduklatin.
- I meγnasen n wass-a niγ ya n wassennat ur γersen iman (ruḥ)n tadukkli kull ict
yettazzal γef wagel-nnes i netta d yemddukal-nnes.
- Imeγnasen deg wawras ssaramen ukkel ad ilin d iselwayen ( 1) n umussu adelsan.
- Tawmatt d ṣṣfa ur llin γer imeγnasen a yeğğin ifriwen n umussu ad igiten wad
feclen.
- Ur llin nezzeh n « les sites »n linternet ad semγrent w ad ssegdrent lrsal n wedles d
tussna n umezruy deg walliwen n leγruz imaynuten...

(1) aselway : président, ici dirigeant.


http://www.kahina.org/index.php?p=1_1

http://fr.360.yahoo.com/tamazight_assa